Stórir, þungir eða ójafnir hlutir þarfnast sérstakrar athygli hvað varðar pökkun og meðferð. Oft er ekki hægt að stafla þeim upp eða setja á færibönd í flutningum. Vegna þessa gætirðu þurft að greiða aukagjald. Ef sendingin þín krefst sérstakrar meðferðar, skaltu endilega hafa samband og fá aðstoð.
Leiðbeiningar fyrir ójafna hluti
Hólkar
Þunga hólka á að strekkja fasta við bretti, passa að þeir skagi ekki út af, þannig að stafla megi brettinu. Léttari hólk-laga hluti má pakka í þríhyrndan flutningshólk.
Óinnpakkaðir hlutir
Stóra óinnpakkaða hluti ætti að strekkja fasta við bretti. Síðan er hægt að smíða hlífðarramma úr við utan um, eða hlífa með kassa á hvolfi. Bættu við fyllingarefni til að verja óvarðar hvassar brúnir.
Hvassir hlutir sem standa út úr
Hvassa hluti þarf að vefja með verjandi fylliefni, áður en þeir eru settir í kassa. Aldrei láta neitt standa út úr pökkuðum kassa, hætta er á skemmdum þegar honum er staflað. Ef þörf krefur skal nota stærri kassa, eða jafnvel bretti.
Þungir/yfirstærð hlutir
Hámarksþyngd og mál eru breytileg eftir þjónustuleiðum. Hvað varðar sendingar stærri en 2,4 m x 1,2 m x 1,5 m (L x B x H) eða þyngri en 500 kg, skaltu vinsamlegast hafa samband við þjónustudeild.
Finndu flatt yfirborð til að festa leiðarmiðann á, sem og öll nauðsynleg merki sem kveða á um sérstaka meðhöndlun. Á efni eins og við, gúmmí eða vefnaðarvöru, skal nota auka límband, hefti eða lím til að festa merkingar.